بسم الله الرحمن الرحيم ...
احم احم احم ...
مع قطرات الندى واشراقه الصباح ونهيق الطيور وشهيق العصافير ..>>>يؤيؤيؤ قريت ورقه الازاعه المدرسيه بالغلط ..احم احم ..
سعاده المكرم رئيس مجلس اداره منتديات محشش ..اما بعد ..
>>>>يؤيؤيؤ ورقه ايش دي ...دا طلب بدى اقدمه للبياع في مو ضوع خاص ....
>>>>>ماكانك بتستخفي دمك وطولتي ....
المهم ...شباب وبنات ..انا كنت مرة طفشاانه وجالسه ادور في غرف المنتدى ...اتفرج على الديكور ....
بس غرفه برلنتي ماعجبتني الالواان ..غيريها اوكي >>>تمووووووون
من جد لقيت في اقساام كتير ماعمري زرتها ولا حتى بالكدب ...
في اقساام مااعرفها ابدا ....
يمكن لانها ماتشدني ...
فايش سويت ...اخدت ورقه وقلم عشان اسطر عليها افكاري ..ورحت عند مكتب البياع ...
ماشاء الله مو مقصر في نفسه البياع..ريحه العوده جايبه لاخر الممر.....
وحاطين جمب المكتب دله قهوه وانواع التمر والحلويات ..
عشان كده انا رحت هناك .قلت هدوء واقدر افكر ...
المهم اخدت سجاده البياع وفرشتها على الارض >>>متعوده على جلسه الارض ...
وحطيت القهوه والحلى قدامي ....
ويات ومعايا ورقتي وقلمي ..وبدات ابغى اكتب ..
وازا بي اجد القلم ناشف مافيه ولا نقطه حبر ......>>>>>>دي اخره السرقه ..اخدته امس من استراحه ميشيل ...خخخخخخ
المهم فكرت ايش اسوي ..ايش اسوي ..ايش اسوي ...
فتحت الشنطه ادور شي ينفع اكتب بيه ....
لقيت قلم كحل حالته بالهم والهم حاله ..
قلت يلا اكتب بيه ..شي احسن من ولا شي ...
وبدات اكتب ...ايش الاقسام اللي انا ماعمري زرتهااا ...
قسم الرياضه ...ليش >>>>مالي فيها ابدا ...
قسم الجوال والا تصالات ...زرته قليل مره ...
قسم الحراج والبيع الالكتروني ..ماعمري زرته ..
قسم الالعااب ..طبعا دا القسم قاصده اني ماازوره ..ولم ولن ازوره ....
قسم الصور ...مااعرفه برضه
قسم الانترنت ......مااشوفه الا من بعيد وانا داخله المنتدى ...قسم الديكور ...نادرا ماازوره
قسم القصص ..احيانا كده واحيانا كده >>>احلفي
القسم الاسلامي ...>>>شي يكسف والله
قسم الشعر والخواطر ...مالي فيهاااا
>>>>>انتي ليش داخله المنتدى .....
مني عارفه اودي وجهي فين من الجمل .....
انحرجت الصراااحه من نفسي ..ووجهي سار لونه فسفوري منقط ....
مو بس انا لوحدي في اقسام ناسيتهاا ....
اكيد انتو كمااان ....
عشاان كده ..جاتني فكره ...
كل واحد يجي هنا ويكتب ايش الاقسام اللي مابيزورهاا والسبب ...بس يكون السبب سطر واحد لانه الورقه ماتكفي ....
عشاان نبغى نعرف ايش هو اكتر قسم مابنزوره ونحاااول نعرف السبب ......
>>>>>يمكن دي لقافه مني ..بس والله طفشاانه قلت خليني اتفلسف في اي شي ....>>>>اتفلسفي في بيتكم يختي ...
المهم انا حخلي الورقه قدام مكتب البياع وكل واحد يجي يكتب فيها ...
بس مو تسواا ازعاااج .....بشووووويش ....
ملاحظه ...
ازا ماعجبتكم الفكره ...عادي ودووه المسجوووووون ....خخخخخخخ
مع تحياتى
رنيم الملائكة