منتديات فنون تلفزيون

منتدى خاص
 
الرئيسيةس .و .جالتسجيلدخول

شاطر | 
 

 آخر مراسيلكـ

اذهب الى الأسفل 
كاتب الموضوعرسالة
????
زائر



مُساهمةموضوع: آخر مراسيلكـ   الأحد يونيو 20, 2010 7:24 am

ا
آخـــــــــر مراسيلكــــ

فتح شبابيك الهوى جيتك اليوم
بأحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وده يلاقي بآخر الوقت تقدير
وجيتك حضن عاشق وهايم ومغروم
وده يضمك لين تصبح على خير
متى تحس ان الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شأنك وأقدرك وأغير
لي في هواك أمال وأحلام وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا ومعاند ولوم
وأحساس وإلهام وشعور وتفاكير
وصحبة سهر ومقاطعة لذة النوم
وأشواق جياشة وعشق وتعابير
في ذمتك مابان لك شي مكتوم
من بعد ماصورت لك الآوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
في كل شي اتخيلك وأسمعك دوم
وأتأملك في الوقت الأول والأخير
من ماضي الأيام لايومك اليوم
وغلاك عندي ماحصل فيه تغيير
وان لك والله ماأقبل البيع والسوم
ولاارضى عليك وعلي المخاسير
لأني الوحيد اللي على بحرك يعوم
واللي عرف مرساه في رحلة السير
لحظة حبيبي قبل يسبقني النوم
بضم صدرك لين تصبح على خير

هذي اول مشاركة لي في المنتدى واتمنى ينال رضاكم فديتكم والله ...انتظر ردودكم
الرجوع الى أعلى الصفحة اذهب الى الأسفل
 
آخر مراسيلكـ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فنون تلفزيون  :: الِمًنتٍديًاتِ الأ‘دٍبيًةْ :: | | عًُـٍذبِ اْلكُلاٌمٍ-
انتقل الى: