نفسى افقد الذاكره
علشان انسى نفسى وانسى كل حاجه
وانسى منتخب الساجدين وانسى حسن شحاته
وانسى الناس اللى سرقت من جوانا السعاده
وانسى ان كيلو اللحمه كان فى يوم من الايام بتلاتة
وانسى التأمين الصحى والعشره فى الميه الزياده
اللى بعديه على طول بتغلى كل حاجه
وانسى انى فى حد فى البلدى بيحس بالغلابه
وانسى انى فى شباب كتير سافرت بره ورجعت تانى بسرعه من غير ما تعمل حاجه
وانسي اللى بيدخل عند دكتور وهوتعبان
ويخرج من عنده وهوتعبان بزياده
وده طبعا من تمن العلاج وتذكرة العياده
وانسى الناس اللى مابتعرفش بعضيهاغير لما تكون عايزه حاجه
وانسى اللى خالو بلدنا كترت فيها الشحاته
وانسى اللى بيتعين فى وظيفه بالوسطه من غير ما ياخد شهاده
وانسى اللى عايزيتجوز وهومش قادريجيب سجاده
وانسى اللى بيكدب عليا ويقولى اكيد بكره احسن اكيد هاتشوف فى السعاده
ونفسى افقد الذاكره كمان وكمان
علشان انسى فاتورة التليفون الزباله اللى اضافت على وصل النور
مع انى الزباله تحت البيت بالكوم واصتبح بيها وتمسى كل يوم
ونفسى انسى كمان الناس اللى بتجيب بالعافيه طبق الفول
وناس غيره غرقانه فى الفواكه واللحمه والبديفور
وانسى كمان اللى بيسرق وبسرعه يهرب على بره
وغيره يتسجن علشان فكره يقول للظلم لأ مره
وانسى كمان اى مسؤل ومدير من اللى مات جواهم الضمير
شغالين بس علشا ن يزلو العمال ويدوس على رقبة الموظفين
وكأنى الرزق ده بأيديهم مش بأيد رب العالمين
انا ايدى لحد كده تعبت من الكتابه وبتقولى انسى انى فى حد ممكن يحس بكلامك او حتى يحاول يفهم حاجه وكفايه لحد كده تخبيط احسن بدل ماتفقد الذاكره تروح فى حديدوهناك مش هاتفقد الذاكره وبس ده انت هاتفقد كل شيئ اكيد ولو حصل وخرجت يا تخرج مجنون ياعبيط
وساعتهاولا حد هيفكر فيك او حتى مره يسأل عليك
ونفسى افقد الذاكره
موضوع: نفسي أفقد الذاكره 
السبت أبريل 24, 2010 11:09 am
